Selfie

पूर्वी मोबाईल फोन ला फक्त मागे कॅमेरा असे.  फोनला पुढच्या बाजूला कंमेरे आले व सेल्फीच युग सुरु झालं. पूर्वी ग्रूपचा फोटो काढण्याच्या निमित्ताने का होईना कुणाला तरी विचारावं लागायचं, एक दोन वाक्य बोलली जायची. त्या संवादाला फार काही अर्थ होता अशातला भाग नाही.  पण त्यामुळे का होईना माणूस दुसऱ्या अपरिचित माणसाशी संवाद साधत होता.  कधीकधी "अरे आपण एका गावचे" असा शोध लागून तो वाढत असे नि मैत्रीच्या नवीन तारा जुळत असत. आता हा असा होणारा संवाद हळू हळू कमी होत नष्ट होण्याच्या मार्गावर आहे.  सेल्फीसाठी नजर स्वतःकडे वळली  स्वतःचे बाह्यरूप न्याहाळण्यात, त्यावर भाळण्यात कदाचित थोडं नार्सिसिस्टपणाकडे वळली.. पण यातून स्वत:शी संवाद मात्र सुरु झाला नाही हेही तितकंच खरं !  बघा पटतंय का.. 

(सहज सुचलेले विचार.. ९ एप्रिल २०१९)